三民網路書店 / 搜尋結果

湠全世界ê生物攻擊，湠全島嶼ê謠言假話紅色暗tò͘、迫害自由ê毒，按怎提防？ 電機背景出身ê台文作家杜信龍，將近10冬ê文字粒積，向望透由走揣純正ê台語，將在地ê生活經驗、語言kap文化ê底蒂，對母語、對歷史ê不捨kap疼心，以及對社會時事、政治現實ê關心kap憤慨，化做一篇一篇節奏輕快、理路清楚ê短篇小說。伊ê作品，不時展現出科學訓練ê理性推論kap思考過程，一手是冷靜ê筆路，鋪寫對人性世事熱望理解ê劇情；一手是直破ê手路，chha̍k入殖民威權到taⁿiáu-bē退ê權力kap不義。 本冊收入短篇、極短篇小說總共12篇。有寫台灣對外面對中共ê大危機，對內有本土歷史kap政治牽kha̍p「轉型正義」ê纏絞，mā有關係人性、愛情、醫病關係ê勾畫kap探討，幼路細膩。籠面作〈放毒〉以武漢肺炎疫情做主題，發展一齣中共勢力浸透台灣，beh用查某窟設計飛行員，侵入空軍放病毒、偷軍事機密ê國防危機；〈審判〉、〈Saⁿ-kha-á〉探討白色恐怖受難者、政治犯後代kap加害者之間，需要啥mih款ê正義；〈PP基因新突變〉、〈走票〉、〈紅包lok仔〉，對政客ê面腔kap選舉文化有入骨ê觀察kap諷刺。情節精彩，束結有力。◎本冊採用傳統白話字，漢羅用字參考《台文通訊BONG報》。　◎本作品榮獲國藝會出版獎助【名家推薦】蔣為文｜國立成功大學台灣文學系教授Tēng-pang Suyaka Chiu（周定邦）｜台文作家、台灣唸歌kah恆春民謠傳承者Lîm Jū-khái（林裕凱）｜台灣文學系助理教授、台語詩人、歌仔冊作家

苦，是台灣島嶼ê身世kap運命慼，是歷史底層、失聲者、受壓迫者ê心聲台文新生代作家杜信龍，以人道ê關懷，對台灣苦難ê歷史起筆，繼承台語文學釘根土地ê寫實傳統，透過虔誠有力ê詩文，替台灣被殖民ê歷史kap記錄、替台灣拍拚ê英雄kap庶民留下見證。伊聲聲呼叫台灣人、台灣民族teh beh失落ê母語、精神kap記持，關心土地、行向世界，以十冬粒積ê書寫kap意志，獻hō͘台灣。◎本冊採用傳統白話字，漢羅用字參考《台文通訊BONG報》。◎本作品榮獲國藝會出版獎助【真情推薦】Sìn-liông ê si leh kho͘, kho͘ lán Tâi-oân-lâng chò tńg-khì chin-chiàⁿ ê lâng.──Lîm Jū-khái（台灣文學系助理教授、台語詩人、歌仔冊作家）《苦慼》有苦。總--是，文字ê khùi力帶來安慰，母語詩是台灣苦thàng ê救贖。──陳慕真（國立成功大學臺灣文學系助理教授）

2021年第十一屆臺南文學獎得獎作品，收錄當屆各文類優秀作品共五十五篇。