再享89折，單本省下25元
商品簡介
100首精彩動人的篇章，香醇動人、情意飽滿的台語詩集。
出身嘉義的退休教師韓滿，長年擔任本土語文輔導員，投身本土教材編寫、文學創作、演說、朗讀、語文競賽指導，榮獲教育部績優肯定。
她懷抱學習台語的熱情，經歷人生的酸甜苦澀，以敏銳的心思、對時間與空間的深刻體會，活用台語的在地聲情，捕捉日常生活中的即景，瞬間卻深邃的感觸，將親情、感情、友情與愛情的感懷，化為100首精彩動人的篇章，醞釀成一本香醇動人、情意飽滿的台語詩集。
作者簡介
嘉義市國小老師兼本土輔導員，陸續編寫本土教材，閣製作繪本故事冊「閩南語尪仔冊」、「巧新婦」……等，寫作、採錄、導覽、編劇、演戲等逐項來。96年得著教育部閩南語績優人員、97年教育部本土文學創作新詩第二名、99年海翁台語囡仔詩比賽第一名、103年績優臺灣文史教育有功人員。嘉義市參賽的教案、寫作、演講、朗讀、答喙鼓、電子繪本……等，毋管自己參賽抑是指導囡仔定定著頭名，退休了四界去講台語課，有台語詩、散文、電子繪本、認證相關課程佮做評審。有7篇台語文章入選全國語文競賽的閩南語朗讀文章，對台語寫作的熱情愈來愈厚，選100首的台語詩，激出這本誠有味的詩集《酒蜜100》。
序
自序
囡仔時陣，阮一家伙仔除了我以外，逐家攏講台語。有一擺，我聽無台語就去問阿姊，伊共我詼閣毋共我講。為著輸人毋輸陣，阮就認真共台語成做生活語言。1995年學校開始推捒鄉土教育，阮就把握每一擺學台語的研習機會。
自從2002年去社區大學學台語拄著蕭藤村老師了後，看著老師對台語的拍拚佮使命感和對學生的疼痛，予阮深深感動，真正有彼種一日為師終身為父的敬佩，阮嘛共蕭老師當做『偶像』，積極跟綴每一擺蕭老師的課程拍拚學台語，嘛因為阮對台語的認真閣編教材，就予人召去做本土輔導員（92~103年）。
阮退休了有一擺轉去學校，拄著前站仔教答喙鼓著名的查某囡仔，伊雄雄走來共阮攬牢牢，阮兩人攏目箍紅、喉管滇，為啥咧？
人是感情的動物，人生充滿著酸、甜、苦、澀的各種變化，嘛因為按呢，才會製造出多彩多姿的世界。親情、感情、友情、愛情的發酵，燉出這本酒蜜100度的台語詩，每一首詩攏有一个感動人的故事，無定是你的故事、無定是我的故事、無定是咱身邊的人的故事，恁若看過一定會有滿滿的感動。
這本台語詩集，感謝濟濟的親情朋友予阮靈感，台語創作這條路，我會繼續拍拚一直行落去。
目次
目次
序 蕭藤村
自序 韓 滿
輯一 四蕊思念
四蕊思念
思念發酵
Give me five
共心拍開
思念阿爸
質
老朋友
落--落
纏纏纏
日頭無拖沙
燒肉粽
上台的夏荷
共想你的線索剪掉
笑阮大癮頭
拄著你
真情為你吐
輯二 時間的河
心境
時間敢欲賣
最後一工
揣風做伴
年兜
海共阮戲弄
青春拖無窗
橋
迎接2016
袂使放手
再回頭已成空
袂傷慢
據在風咧吹
明年再會
風颱
三千煩惱絲
冬天過了就春天
走揣伊一人
倒轉去阿母的腹肚內
輯三 蜜酒
啉一杯梅酒入夢
我無偷看人洗身軀
油桐花
病相思
走相覕
醉袂醒
雙花戀
霆雷公
霧嗄嗄
下暗
喜遊龍宮
佮情批走標
奇怪的台灣人
見笑
樹仔非常秋天
焐燒
熔佇和平東路
『大山北月』
心臟跳甲百二
我就是女王
醉
塗跤的虹
白煙裊裊升起
輯四 相思茶
相思茶
一杯茶
掛吊望大海
阮強欲吼
佮金風約會
姑娘生媠佇人兜
風鈴誠厚話
換一个 回心轉意
逍遙大霸尖山
影知影阮驚暗
露水洗昨夜的心悶
含笑
日頭共海染紅
嫦娥流目屎
僥心的情 敢愛摒
引𤆬
好透老
舞健康
烏頭毛變白頭鬃
輯五 疼
我毋是毋挃你
食披薩
看著的毋是真的
據在人凌治
毛蟹橫過路
予仲丘
對雲頂摔落深坑
放我自由
海龍王吐水
孤單走天涯的野草
共大地洗清氣
家己的疼毋是疼
寵倖
落貨囉
哪愛等遐久
欲行對阿母的聽候
無語問蒼天
彼日攑旗仔咧喊喝
消瘦落肉
為何閣醉落去
悲哀佮美麗
免著驚
魚塗 魚金
書摘/試閱
四蕊思念
離開兩冬外
雄雄走過來攬牢牢
四蕊紅紅對相的
思念
共想你的線索剪掉
共想你的線索一條一條剪掉
電子批一張一張擲入糞埽桶
你送的物件攏送出國
鞋仔穿佇荷蘭姑娘的跤
洋裝飛去非洲展覽
共想你的心一擺一擺退燒
無愛閣去鼻
一夜一夜等你的暗暝
心境
一塊烏布
四界共人畫烏漆白
家己染做白布
一塊白布
四界共人鬥跤手
予人染做烏布
心境自在
管汰伊烏布抑白布
時間敢欲賣
溪水慢慢仔流
水中的苦楝花寬寬仔走
暝日思念紫色的花草
南風沓沓仔吹
埕斗的玉蘭芳勻勻仔飛
愛伊的純情為伊癡迷
金風雄雄來掃
山頂的楓仔葉直直落
袂赴惜就予雨漚漚
冷風陣陣咧透
嶺頂的梅花颺颺吼
捧袂著就予風 颱走
天公伯仔
時間敢欲賣
停一下仔愛偌濟
年兜
年兜的跤步愈來愈近
日頭的喙鬚愈來愈長
故鄉的田塗愈來愈芳
逐家轉來鼻田塗味
外口鬧熱滾滾
內面冷吱吱
慣勢泡兩杯咖啡
年兜暝那啉那等你
干焦聽著老時鐘滴答滴
小小的溫度燃著過去
拍開柔柔的旋律
一人一杯一杯閣一杯
月娘也醉也綿綿
多情守到天光
智慧佮感情畫平行線
春天一走二十晃
你若重出世
你若無啉孟婆水
阮欲揣你講過去
相思茶
啉一喙
對你一見鍾情
想欲化做目尾魚
泅入你的心房
啉一杯
對你刻骨銘心
想欲化做蜜蜂
偷偷仔採你的花芳
啉一鈷
對你日思夜夢
想欲化做茶水
一直唚你的喙脣
攏是你
害阮耳仔燒甲會燙--人
烏頭毛變白頭鬃
青春對指頭仔邊漏去
烏頭毛一時仔變做白頭鬃
日光對樹葉仔縫掖落來
一線的燒烙承無著
只有淒涼的烏寒徛佇門窗
無邊無際的暗暝
當時才會有貓霧仔光
您曾經瀏覽過的商品
購物須知
為了保護您的權益，「三民網路書店」提供會員七日商品鑑賞期(收到商品為起始日)。
若要辦理退貨，請在商品鑑賞期內寄回，且商品必須是全新狀態與完整包裝(商品、附件、發票、隨貨贈品等)否則恕不接受退貨。