TOP
0
0
魅麗。花火原創小說66折起
花的目屎
滿額折
花的目屎
花的目屎
花的目屎
花的目屎
花的目屎
花的目屎
花的目屎
花的目屎
花的目屎
花的目屎
花的目屎

花的目屎

定  價:NT$ 180 元
優惠價:90162
領券後再享89折
團購優惠券B
8本以上且滿1500元
再享89折,單本省下18元
無庫存,下單後進貨(採購期約4~10個工作天)
可得紅利積點:4 點
相關商品
商品簡介
作者簡介
目次
書摘/試閱

商品簡介

玫瑰花 紅記記
為台灣 拚生死
目屎流 目屎滴
石頭硩袂死 花蕊
開向 台灣民主的春天
本書為康原的第三本台語詩集。
《花的目屎》呈現出濃厚的寫實風格,盡寫台灣事、台灣景、台灣情以及台灣人的故事與歷史。
輯一「咱的土地,阮的詩」,主寫土地與詩情,著重於對台灣土地的情感與人文的關懷;輯二「走揣詩的旅行」則多收錄長詩,詩人將遊歐的所見所感,轉化為借物自省的契機。
透過《花的目屎》口語並保有音樂性的詩語言,讓我們重新憶起母語之美。

「用母語寫出台灣人的心情,傳達台灣精神,成就有台灣主體意識的文學,用詩來寫作予新的語詞,讓母語一代一代傳落去,這是阮出版《花的目屎》的向望。」──康原

推薦
「康原終於找到最真切誠實的自身此生,應該如何緊密契合島國台灣的寫作者形象。這是一個作家,一生寫作的終極目標。」──李長青(詩人)

「本書以樸素、通俗流暢的台語寫作,帶給讀者深刻的感受,將詩歌精神傳遞的工作還給了簡樸的文字。……而今,反璞歸真,更見其功力之精深,誠所謂大巧不工,早已經歷絢爛人生的詩人,以平淡之詩示人,才是至誠至性之作。」──曾金承(國立嘉義大學中文系助理教授)

作者簡介

康原
曾任賴和紀念館館長。曾獲第六屆磺溪文學獎特別貢獻獎、吳濁流文學獎新詩獎、行政院叢書「金鼎獎」。曾任彰化師大台文所「作家講座」,南華大學文學系講座作家,彰化師大「彰化學」叢書總策劃等。
重要著作:《懷念老台灣》、《台灣囝仔歌的故事》、《八卦山下的詩人林亨泰》(玉山社出版)、《人間典範全興總裁》、《囝仔歌教唱讀本》、《台灣囝仔歌謠》、《追蹤彰化平原》、《逗陣來唱囡仔歌》、《港都的心靈律動》、《番薯園的日頭光》、《施並錫的魅力刀與彩筆誌》(晨星出版)……等七十餘本。

 自序:走揣台語詩的心情
 
出版過七十本的華語文學作品以後,即馬這本《花的目屎》是阮第三本的台語詩集。佇過去出版台語詩集《八卦山》、《番薯園的日頭光》的同時,攏總寫過六本台語囝仔詩歌,這詩歌主要想欲保留台灣的語言文化,予台灣囝仔透過唱歌的方式,學習家己的母語,所以宋澤萊曾經講:「……康原的台語文學較多根、莖這個部分,這是因為他在台語的歌謠和童詩上奮鬥很久,留下了諸如《逗陣來唱囡仔歌》、《台灣囝仔的歌》這些非常基本的台語文學根基的書籍,其成就早就受人肯定。」這就是阮詩的語言受著肯定的原因。
記得阮咧寫《八卦山下詩人林亨泰》的傳記時,林先生講過:「『台語』乃構成『台灣文學』最自然而首要的基本條件……我深深覺得自己用日文寫過詩,用華語寫過詩,就是未曾用自己的母語寫過詩,這是自己詩創作的一大遺憾。」這句話予阮一種啟示,所以阮著立誓一定愛用母語寫一寡詩集。開始用母語寫詩的時,受著真濟困難,不管是用字的問題,亦是揣無妥當的語詞佮意象,寫袂出洽意的詩句,傳袂出台灣人的精神。經過一段時間的拍拚,慢慢完成一首一首的台語詩。
《花的目屎》這本詩集,攏總有三十二首的詩,分做兩輯:第一輯「咱的土地,阮的詩」有十七首,寫出咱土地上發生的代誌,親像社會運動中,咱台灣人的心聲,亦閣有寫出台灣作家的意志,彼種不屈辱的抗議精神,維護台灣人佇這塊土地上的生存價值。親像〈情人節彼一工〉這首詩阮寫著:

……你穿一領 紅色的運動衫
向阮 堅強來表示
決定嫁入 阮的家園
嫁予 美麗的田庄

咱期待起一間 真正
屬於台灣人的厝宅 創出
自由 民主的時代……
正手 擲著拳頭母
向兄弟姊妹來表示
潦落去 走揣家己掌握的
權力 福爾摩沙的
新世紀……

有人挺身出來承擔台灣的未來,共同來宣誓獻身予美麗的島嶼。嘛有寫著阮的故鄉的代誌。
輯二:「走揣詩的旅行」攏總十五首,有透過國外的旅行,走揣創作的心情,親像〈坐飛機,走揣詩〉的長詩,是寫去歐洲旅行,探訪外國人的歷史文化佮生活,借用外國的地景,寫出對台灣的心情,是「借景抒情」的寫作技巧,向望有向外學習的機會,來充實家己的不足,看別國無仝款的建築、整齊的街頭秩序、紳士人優雅的氣質,咱愛做自我的反省,去學習別人的優點。看別人按怎保護好的文化?按怎傳播文學精神?另外〈走揣詩的旅行〉是坐火車環島旅行,到每一個地方就將在地的作家、藝術家、音樂家寫入去詩中,予人也凍感覺著在地文化特色;親像屏東有陳達的歌聲、宜蘭有黃春明的「鑼聲」佮《看海的日子》中的白梅的地方風格。但是嘛有一寡土地上發生的代誌,需要用詩去批判,阮嘛提出磺溪為公理佮正義的文化精神,去維護台灣的最大利益。
用母語寫出台灣人的心情,傳達台灣精神,成就有台灣主體意識的文學,是阮走揣台語詩《花的目屎》上主要的目的;保留母語除了講以外,需要有新生命語言的創作,用詩來寫作予新的語詞,一代一代傳落去,這是阮出版《花的目屎》的向望。

目次

李長青推薦序│在現實裡感悟,在現實裡完成
曾金承推薦序│詩味回甘 
自 序│走揣台語詩的心情

輯一 咱的土地,阮的詩
花的目屎
詩人
毋舉順風旗的詩人
囝仔頭王的歌聲
笠下的詩影
寄金簿仔
情定舊金山灣

情人節彼一工
歌名
記者的目睭
樹靈
櫻花夢碎
杏仁茶
故鄉漢寶園
啉八卦山的咖啡
假的世界

輯二 走揣詩的旅行
坐飛機,走揣詩
走揣詩的旅行
詩人巡田園
飲大湖泉水
大湖的野鳥
阿蘭城巡禮
枕頭山的仙景
蜂采館的蜜蜂
中秋節
心事
悲歌
油的代誌
哲學家
史賓納隆加島
田園的詩歌

書摘/試閱

寄金簿仔
│予老伴的情詩


少年的時 拍開
咱的寄金簿仔
干焦 看見妳美麗的形影
存著 妳真正迷人的笑聲
你佮我 勇敢牽手鬥陣行
佇海邊看 捙畚斗的海湧
干焦送你草仔枝做的手指
鉸著 一蕊紅花送予你
請你 等我有一工趁錢
我會予你 用鑽石掛耳

彼陣 咱雖然無錢
希望 一年過了閣一年
有閒 牽你的手去到海邊
聽淡薄仔粗魯的 風聲
看一陣一陣白鴒鷥的身影
安慰著你甘苦的 心情
講出的話親像咧畫大餅
雖然你無出聲 阮嘛知影
聽罔聽 艱苦的路途
嘛愛 繼續來行……


三十歲以後 拍開
寄金簿仔 紀錄著
薄薄的 薪水
囡仔 提領的學費
人情世事的 紅白包
也閣有 為錢財的怨氣
彼段時間 厝內米甕弄樓
儉腸凹肚 想欲趁錢
學做作家想用字來換米
創作的文章無一點詩意
寫小說投稿 報社主編
無合意 欲怎樣
煮字療飢?

公教人員的翁某
家庭經濟 真甘苦
斤斤計較 嘛無步
為著 納會仔錢
你只好出去 食頭路
為著 全家大細的腹肚
為著 囡仔未來的前途
阮無法度 共你照顧
彼本 寄金簿仔紀錄著
為生活賭氣的 甘苦
人講 翁佮某是相欠債
誰欠誰 總是算袂清
人講 家合萬事興
翁佮某 是三世人的溫情


六十歲以後 拍開
咱的 寄金簿仔
記著 補喙齒的金額
白頭毛增加的數量
一支摘了閣一支
目睭拍袂金的甘苦
目油 又閣流未離
思念囝孫 滿腹心內話
吞袂過 嚨喉管
孫仔的代誌 咱做夥
參詳 食愈老愈有量

兩位查某孫欲出國
讀冊 心內雖然毋甘
嘛是愛放伊出去
in的 前途佇北美的加拿大
冷霜霜 離開咱遠 遠遠
俗語 魚為奔波始化龍
將目屎 記踮寄金簿仔
準備淡薄紅包 寄去
遠方 受風雪吹凍的時
小表達 疼惜孫仔的心意
若想起這款代誌
嚨喉就滇……


花的目屎
│敬致楊逵及太陽花

玫瑰花 紅記記
為台灣 拚生死
目屎流 目屎滴
石頭硩袂死 花蕊
開向 台灣民主的春天

百合花 白泡泡
花開中正廟佮街頭
欠人照顧的野百合
用智慧 弄破萬年體制
封殺 鎮砧的死豬皮

日頭花 有夠濟
開佇 台灣的街頭巷尾
為著 人民的腹肚
頭擋 木棍佮水龍
面皮染成血色 日頭花

您曾經瀏覽過的商品

購物須知

為了保護您的權益,「三民網路書店」提供會員七日商品鑑賞期(收到商品為起始日)。

若要辦理退貨,請在商品鑑賞期內寄回,且商品必須是全新狀態與完整包裝(商品、附件、發票、隨貨贈品等)否則恕不接受退貨。

優惠價:90 162
無庫存,下單後進貨
(採購期約4~10個工作天)

暢銷榜

客服中心

收藏

會員專區